楊千嬅和林一峰稍後會一同舉行《拉闊音樂會》，昨日二人到商台接受訪問。早前有報道指千嬅與吳彥祖買了同一款車，千嬅對此說：「佢哋實會寫啦，唔寫先擔心，我哋套戲就快上畫，多謝幫手宣傳，下次出到大封面就好嘞。其實嗰架車係阿Mark（雷頌德）介紹買，唔關吳生事，唔可以抹煞阿Mark嘅功勞，只係有次同吳生喺片場傾開先知對方架車一樣，但係顏色唔同。」
姨母身在倫敦
對於舊愛鄭中基早前買車貨不對辦，千嬅說：「咁緊張？咁佢問阿Mark啦，佢乜都識。」
另外，倫敦發生恐怖襲擊，千嬅表示其姨母身在當地，她說：「細佬因為放暑假返咗香港，但係姨媽就喺嗰邊，好彩冇事。」
採訪、攝影：王連連