王秀琳（Mango）年前與唱片公司約滿，事業直插谷底，令她為生計大感彷徨，加上去年她指摘尹天照在車廂內對她不軌後，身邊朋友竟借意遠離，使她嘗盡人情冷暖。不過Mango近日已簽約新公司另泊碼頭，下月將赴韓進修歌舞藝技，實行再戰樂壇。
王秀琳近日簽約新組成的紅白藍藝人事務所，稍後除會參演由「連生」朴恩惠孭飛的劇集《Silence》外，公司已定於下月初安排她到韓國進修歌舞，務求讓Mango以勁舞歌姬形象重出樂壇。
自知形象盡毀
Mango今次在事業上獲得翻身機會，其實得來不易，事關去年她指摘尹天照在車廂內對她不軌後，事件鬧得滿城風雨，她也自知形象盡毀，日前Mango在銅鑼灣接受訪問時說：「嗰件事令到我形象差咗，明明我係無辜，平時做好嘢啲人未必記住，有乜大件事就最留心，但我會努力做好自己，令人哋忘記呢件事。」
日日匿喺屋企
去年Mango事業直插谷底，但她否認全因尹天照事件，她說：「其實我嗰時同新力約滿，啱啱成家人搬咗去清水灣住，之前諗住係我交租，以為keep住有嘢做，唔知係間屋風水唔好定係我黑啦，一路都冇嘢做，唔知點算，成家人都好彷徨，我日日都匿喺屋企，唔想去街，感覺真係幾灰。」
Mango續說：「前年年尾我去咗內地拍劇同接咗《殭屍》，但嗰件事搞到我好負面，朋友避開我，唔敢同我出街食飯，連搭的士都唔會兜我，雖然佢哋唔係特別好嘅朋友，但我好hurt，算啦，我知乜事嘅，真係感受到人情冷暖，啲人都唔嚟搵我，我啲朋友去咗邊呢？」
問Mango經歷此事後，日後還敢不敢接受圈中人追求？她說：「未必接受，呢行接觸嘅靚嘢太多，個心好易走咗，好危險，經過嗰件事之後，我會更加小心，但都有圈中人可以做朋友嘅。」
採訪：朱倬誼
攝影：葉君海
髮型：Johnny@HairQuarters
服裝、飾物、鞋及場地：Dada
