滕麗名近日夥拍伍詠薇拍攝無綫劇集《窈窕熟女》，談到伍姑娘老公常做柴可夫接載老婆出入，她笑說：「好彩冇親眼見到，唔係我會嬲㗎！」
滕麗名近日忙於與伍詠薇、韓君婷和苑瓊丹拍攝無綫處境劇《窈窕熟女》。對於同劇演員伍詠薇拍外景時，老公練海棠經常管接管送，問滕麗名有否因此向男友魏駿傑詐型，她日前笑說：「哎吔，我都唔知伍姑娘咁幸福噃，好彩我冇親眼見到，唔係我會嬲㗎！」其實滕麗名跟男友魏駿傑感情穩定，加上彼此工作時間不固定，她當然不會勉強魏駿傑做柴可夫。
究竟滕麗名何時跟魏駿傑拉埋天窗呢？她說：「真係冇期，大家都各自忙拍嘢，唔通請三日假結婚咩？」當日滕麗名穿上小背心和露背裝拍照，問她會否抗拒性感演出？她說：「唔會，拍嘢之嘛，可以做多啲唔同嘗試㖭！況且電視尺度有限，至於電影尺度就真係要諗諗先。」
期待着三點式
問滕麗名作性感演出前，可要向男友魏駿傑備案？她說：「唔使，自己嘅工作自己決定，傑仔亦唔會過問，有時我嘅打扮同思想重保守過佢。」問滕麗名若《窈》劇收視報捷，她會否穿三點式報答觀眾？她說：「如果個個演員都着，我一定會着，到時賣點相信會喺身材好嘅伍姑娘身上啦。」
採訪：比華利
攝影：陳偉權
服裝：Bauhaus
