由曾志偉主持的《繼續無敵獎門人》昨日移師到露天泳池錄影，多位女藝人皆以性感泳裝示人，玩遊戲時不慎儀態盡失，岑寶兒（阿夢）除被發現兩邊胸部有懷疑隆胸的疤痕外，玩遊戲時又不慎露點，范姜明月更露出半球。
由曾志偉、錢嘉樂和林曉峰三位主持的《獎門人》，昨日再在東涌映灣園住客會所露天泳池錄影《水著歡樂獎門人》和《興波作浪獎門人》，邀請了梁靖淇（Toby）、姚樂怡、吳文忻、岑寶兒、黃泆潼、陳彥行、應屆二十位候選港姐、王喜等三十多位藝人齊玩水上遊戲。
用墊損胸致留痕
不過早前踢波受傷的曾志偉昨日全程坐在輪椅上遠觀兼乾煎，無緣和多位美女鴛鴦嬉水，他歎氣說：「今日真係好慘，要抱住遙控同遠昅嘅態度囉。」幸好錢嘉樂非常識做，叫女藝人圍着志偉合照，並說：「雖然唔係喺球場，但係都好易食到波餅，咁就係出名泳將『波波夫』嘞。」
眾多女嘉賓以細碼比堅尼上陣的姚樂怡最為搶鏡，至於身材愈來愈勁的岑寶兒就被發現兩邊胸邊均有疤痕。她說：「我之前拍《千杯不醉》時要做谷胸效果，點知嗰排天氣又熱，塑膠胸墊整到自己兩邊胸都損晒，都結晒痂，唔怕被人誤會，我之前都係咁嘅身材。」
離罩仍力保兩點
而當阿夢與EO2的Otto玩「繼續無敵大長碌」，除身不由己大送波餅，因她穿着pushupbra在泳衣內，故身體碌地之時，又不慎離罩露點。而范姜明月則玩至泳衣移位，胸部外露，幸保兩點不失。
阿夢事後知道被記者影到露點相，她說：「唔係呀嘛？件泳衣已好緊了，我都好無奈，我冇乜好講。」那麼為何不用乳貼？她開始情緒激動地說：「今日開會好趕，下次貼番乳貼囉！」至於會否怕男友不喜歡，她咆哮說：「我自己都唔鍾意，我點理得人哋鍾唔鍾意喎！」
採訪：卓美娟
攝影：仇志德
