黎明和容祖兒昨日以「活動大使」身份，與全國人大常委曾憲梓、立法會主席范徐麗泰和律政司司長梁愛詩等人，在會展中心出席「認識歷史活動啟動禮」，黎明帶領中國國家女子排球隊的代表進場，其間祖兒高歌一曲《我的驕傲》。
祖兒中西史肥佬
身為活動大使的黎明被問到最近換了新車及有關與舒淇分手一事，他表示不想失職而拒答花邊新聞，他說：「架車冇乜好講，呢啲係私人物品。今日咁難得，我同大家一齊去認識歷史，係一個好莊重嘅活動，唔好加插花邊新聞，遲啲喺其他活動，好似宣傳《七劍》時先再答啦！如果我𠵱家答你哋，即代表我唔稱職。」至於有指他有份接拍的電影《情義兩心知》由葉璇擔任女主角，黎明說：「我想做埋𠵱家手頭上嘅工作，回咗魂後先再靜靜地睇劇本。」
問黎明和祖兒讀書時中國歷史的成績如何，黎明表示忘記了，而祖兒則坦白地說：「細個對歷史冇乜興趣，讀書時中西史都唔合格，但係人大咗覺得歷史好好聽，覺得事物有因有果。但最開心頭先可以唱《我的驕傲》，呢個機會難得，因為首歌好配合主題。」
採訪、攝影：王連連
