近年，一股Mini熱潮席捲香港，除卻硬頂版外，Mini新近抵港的開篷版亦賣個滿堂紅，惟至Top的CooperS小跑車，過往只有手波型號供應，令唔少鍾情的Fans望門興嘆！然而，配備有6前速SteptronicCVT半自動波箱的CooperS，經已陸續抵港，今次搵來對MiniCooper情有獨鍾的無線兒童節目主持何嘉裕（Kaya），一親佢心目中的DreamCar呢！
記者：陳偉林
攝影：陳偉強
+/-波換檔直接
新版MiniCooperS至吸引的地方，莫過於新加入一套6前速SteptronicCVT半自動波箱，以及時款動感更強的3幅式跑車軚環連左右+/-轉檔推桿。雖然Kaya未滿18歲重未有車牌，之不過佢經已急不及待跳上駕駛席，一嘗當車主的滋味。及後，筆者載同Kaya實地試車，強而有勁的起跑加速表現，Kaya直呼好過癮！其次，轉檔反應順滑又敏捷，尤其是利用推桿Kick-down加速，感覺較手波版來得更直接。
改頭換面
屬2005年新版的CooperS開篷車，除換裝有一對新款高聚焦Xenon頭燈外，尾燈編排亦係全新組合，而中置尾喉上方更換上霧燈警示，予人有多一份安全感。Kaya認為新車賣相貼近時下潮流之餘，重見有辛辣的小跑車味道；尚幸車本身有主動式安全系統，包括ASC+T(AutomaticStabilityControl+Traction)、CBC(CorningBrakeControl)，以及ABS連EBD裝置，拐彎同緊急煞車同樣有可靠演繹。
內櫳跑裝
座艙兩排獨立4座位配搭不變，四周更備有金屬面板修飾，Kaya置身其中感覺最突出是新款跑車軚環，以及CooperS獨有波棍的新組合。Kaya話手感出眾又富跑車味，難得部車講求跑格以外，後排座椅重可以左右獨立收摺放平，令尾廂變得平坦倍見實用，加上出眾的高級CD音響及恒溫冷氣裝備，身處車內享受至高。
半自動快速轉檔
電動開頂15秒
硬淨防滾架
同級對手比較
標致307CC
點睇：新近抵港的法式中型開篷Roadster，採用一台2.0公升直4引擎（馬力138匹），無論開篷與否同樣獨到又吸引，不乏捧場客支持。
車價：$320,000
福士BeetleCabriolet
點睇：甲蟲車的魅力沒法擋，一直為不少鍾情的Fans所熱愛，裝有一台2.0公升直4引擎（馬力115匹），勝在賣相Cutie又迷人，開篷版自有一番好趣味。
車價：$288,000
MiniCooperSConvertible
引擎：1598cc直4DOHC機械增壓
馬力：170ps/6000rpm
扭力：22.5kgm/4000rpm
傳動：6前速SteptronicCVT半自動波，前輪驅動
懸掛：（前）麥花臣支柱（後）多連桿
制動：（前）透氣碟（後）碟式（ABS）
輪胎：205/45R17DunlopSPSport9000
尺碼：3655×1688×1415mm
軸距：2467mm；車重：1310kg
0-100公里：7.9秒；極速：215km/h
平均耗油：8.8L/100km
車輛提供：MiniHongKong（28366289）