李嘉欣早前被拍到與已婚上巿公司主席龐維仁雨中蹺手漫步，其後龐維仁解釋只是與李嘉欣商談拍廣告事宜。李嘉欣前晚出席水晶活動時表示擇偶求單身漢，她一聞龐維仁更發𤷪𤺧說：「要蹺手先接到廣告就死啦！」
十七位著名模特兒如李嘉慧、AnaR.和LisaS.等，前晚在灣仔會展為水晶品牌Swarovski舉行的盛大派對，示範全新水晶首飾。大會請來李嘉欣任特別嘉賓，更為她度身訂做一件由五萬顆水晶粒鑲嵌而成的上衣，她完騷後頻呼：「好重，好有份量。」
李嘉欣早前被拍到與已婚上巿公司主席龐維仁在雨中蹺手漫步，其後龐維仁以洽商李嘉欣任其皮草公司代言人作解釋，而李嘉欣一直未有對事件作出正面回應。
否認約會傾廣告
前晚李嘉欣一聽到龐維仁的名字即發𤷪𤺧說：「唔講呀，件事已經發生咗，應該講嘢同唔應該講嘢嘅人都講咗，唔需要再增加情節嘅精采度啦！」
不過其後李嘉欣言談間則暗示兩人約會見面，非為傾拍廣告事宜。問她被踢爆蹺手後，廣告進展如何，李嘉欣即態度囂張說：「都冇聯絡過，廣告嘅事一向係經理人搞，我唔清楚喎，所謂踢爆都唔知乜理由，我經理人每日都傾好多廣告㗎，我唔會follow。」
譚玉梅重返校園
問李嘉欣可有為合作不成而感到可惜？她說：「唔會，我唔係去到要靠一個廣告維生嘅地步，傾唔傾，接唔接到都係緣份，同埋蹺手同接廣告係兩回事，要蹺手先接到廣告就死啦！」
李嘉欣又強調自己一向由經理人負責洽談工作，不會親自出動。可會影響追求者，她即說：「我覺得𠵱家都係俾人追求緊。」問她以後擇偶的先决條件是否要單身？她即說：「要錫我，當然要單身啦！」
而久未露面的譚玉梅則透露在北京大學修讀中國歷史，其他出席派對的嘉賓包括薛芷倫、傅明憲、何超瓊和扒女李依琳等。
採訪：JessicaNgan
攝影：HoKwokHo
