孫燕姿將會喺香港舉行音樂會，雖然人未嚟香港宣傳，但歌迷反應已經相當熱烈，信用卡預早訂購嘅門票喺三個鐘內售清，好多歌迷打電話去唱片公司投訴話訂唔到飛。 據東亞娛樂方面表示會加推一千張門票做預售。孫燕姿就話：「真是覺得很意外和開心，我很少到香港，但歌迷也這麼熱情。」不過孫燕姿嘅檔期好密，所以唔會加到場喎。