記者採訪時爭位爭執，時有所聞，噚日八方親歷其境，今次特別嘅係中港行家衝突。話說TVB同ATV喺柏寧酒店搞記者會，宣布更換新收視調查機構。到咗簽約儀式個陣，一個中央台嘅攝影師，為咗爭取有利位置，竟然跳上台，成個人阻擋住其他攝記。於是，台下《香港經濟日報》嘅攝影哥哥就叫佢落番台，點知呢位仁兄轉身落台時，眾目睽睽下一腳踩落《經濟》嘅記者度，搞到佢成個躂落地下。
司儀鄧梓峰立即打圓場，其他記者就走埋去調停。但可能中港文化有別，中央台攝影師拒絕道歉，受害者最後惟有報警。鄧梓峰事後話都擔心俾人踩親嘅記者；朱慧珊就話：「郁手嗰個就唔啱，應該道歉。」
傳真︰2623-9278
電郵︰[email protected]