領匯單官司拖到𠵱家，重未有最後結果，盧婆婆好擔心政府賣家當令佢買貴菜，不過專長係承包街市嘅宏安集團，佢哋嘅執行董事陳振康噚日就叫大家唔使咁擔心，重大派定心丸，話如果領匯上市後，將房署旗下街市外判畀宏安，到時街市賣嘅菜同肉，起碼會比由政府經營管理時平兩成。
陳振康話政府經營嘅街市空置率達雙位數字，佢哋就低至一個巴仙；而人流亦多一至兩倍；因為佢哋會為街市裝冷氣，又有專車免費接送附近住宅區市民嚟買餸，更大搞抽獎送金鏈。
雖然街市檔口租金會加幾成甚至一倍，但佢哋話旗下嘅客戶以集團式經營嘅大戶為主，喺經濟規模效益下，貨價可以低至挑戰超市，街坊亦會受惠喎。
傳真︰2623-9278
電郵︰[email protected]