又一次證明大學沙紙唔代表一切。今年太古地產請咗三個見習工程師，兩個來自內地，一個係香港人，呢個香港人就係專業教育學院畢業生陸沛能（圖）。佢冇大學學位，只係憑一張高級文憑，就擊倒一眾本地大學生，爭到呢份月入萬五蚊嘅優差，認真巴閉。
陸沛能高考物理肥咗之後，去咗讀智能屋宇及自動化系統工程高級文憑，舊年喺太古地產工程部實習，初時見到啲實習同事個個都係大學生，自己語文能力又唔夠人好，驚會俾人比下去，點知過咗冇耐，經理就讚佢表現唔輸蝕得過啲大學生，結果淨係請番佢做長工。𠵱家陸沛能報讀咗理大學士課程，實行半工讀，佢話：「始終攞番個degree，對將來會有一定保障。」
爆料熱線：29290000、27860099
報料傳真：26239278
報料電郵：[email protected]