喺芸芸香港望族當中，同警隊關係最密切嘅係邊一家？姓李？姓何？定係姓曾？其實係鄧肇堅家族。每年警務處都會舉行一次權杖展示儀式，紀念鄧肇堅生平喺福利、教育同康樂等方面對警隊嘅捐助。
今年展示嘅權杖同以前唔同，係全新製造嘅純銀權杖，由鄧肇堅兒子鄧日燊（圖左）移交畀一哥李明逵（圖右）。新權杖鑄有龍紋，好有中國色彩，將會交畀警察樂隊使用。至於舊有嘅權杖就留畀警察風笛隊用，係鄧肇堅夫人喺鄧爵士身故後送畀當時嘅警務處副處長白立本嘅。今期《警聲》話舊權杖係一九八七年由鄧爵士捐贈，屬「報道失實」，因為鄧爵士喺一九八六年已過身。《警聲》圖片
爆料熱線：29290000、27860099
報料傳真：26239278
報料電郵：[email protected]