中原工商部高層有人事變動，噚日總經理黃應年趁記者會一併公布新任命，九龍西營業董事黃啟成，會升助理區域營業董事，掌管九龍西同新界區，加埋𠵱家坐鎮九龍東同香港區嘅助理區域營業董事郭楚華，剛剛好覆蓋晒全港。 兩位董事噚日都冇出席記者會，黃應年準備咗一塊龍咁威宣傳板用嚟影相，寓意睇好下半年市況，加埋兩位左右手，實可以發威。