樓市走勢同代理嘅收入息息相關，六月尾雖然有大坑名門帶動市場氣氛，仍未能扭轉營業額下跌嘅命運。中原地產執行董事陳永傑話，六月份營業額有一億三千三百萬，比起五月嘅一億八千萬減少兩成幾，當中住宅佔一億零五百萬。 六月收入少咗，但比起舊年同期其實仍大升七成一，所以都唔使悲觀；況且成個第二季計，成績都算理想。