最近有報道話新片《七劍》嘅全部演員將於呢個月底去台灣宣傳，但只係黎明（右）話唔去，據聞係因為黎明喺三日兩夜嘅宣傳檔期使費，會比其他演員多出數十萬蚊喎！ 黎明前日就否認咗，發行公司噚日話已經同黎明經理人公司聯絡，黎明會同其他演員喺今個月嘅二十六號去台灣宣傳，𠵱家重新安排緊行程。