達明一派兩位成員黃耀明及劉以達分開多年，近日終於推出新碟《達明一派─THEPARTY》，前晚他們在明星蒲點VolarBar舉行發布會，並播出由多位歌手參與拍攝的全新MV，達明一派在MV中將火把交給年輕人，寓意樂壇之火一代一代傳下去。
達明一派前晚在明星熱門蒲點VolarBar為新碟《達明一派─THEPARTY》舉行記者會，除了兩位成員黃耀明與劉以達外，一班英皇歌手包括鄭希怡、Boy'Z、Kenny、吳浩康，以及at17、謝安琪和黃偉文等均有捧場，場面熱鬧。
讚祖兒表現投入
提到新碟籌備一年才推出，黃耀明說：「最緊要做得好，𠵱家終於鬆一口氣，成年都對住呢張碟，曾經覺得好煩厭，日日對住嗰啲歌，有一段時間直情唔聽呢張碟，搞咗一年好滿意呀。」
前晚現場播出達明一派新歌《達明一派對》MV，何韻詩、謝霆鋒、鍾欣桐及容祖兒等歌手均有份參與演出，MV以達明一派將火把交給新一代年輕人為主題，故不少演出歌手是來自不同唱片公司的新人。黃耀明謂祖兒拍得最投入，他說：「佢冇排舞係咁跳，我又好鍾意謝安琪，佢把聲好好。好開心合作二十幾年嘅化妝師同髮型師都嚟幫手拍，我哋回歸日拍攝，今晚就發布，好趕呀。」
對於選擇在VolarBar舉行記者會，黃耀明說：「我聽同事講呢度二十幾年前係好hit嘅disco叫DD，達明第一張碟喺Canton開記者會，所以今次揀呢度，我哋以前係蒲精，嗰陣年輕力壯，𠵱家唔玩囉。」劉以達則說：「最勁時一星期蒲五晚，我老婆都喺Canton識。」
Kenny滑水散心
昨日只見Kenny曬得皮膚通紅，他透露日前在英皇音樂會上失準，心情甚差，故Steven便邀請他滑水，兩人曬得紅彤彤，還不小心扭傷腰部。不過當Kenny看見吳浩康穿上deepV衫露胸肌，他即笑說：「我個胸冇佢咁大，但我有性感嘅鎖骨。」
採訪：李珮洳
攝影：何國豪
