由史提芬史匹堡執導，湯告魯斯主演嘅電影《強戰世界》上星期三全球同步開畫，單喺香港，五日票房已勁收一千三百七十萬。當然套戲嘅美國票房重犀利，上周三開畫至前日，五日大收一億零一百七十萬美元（約八億三千萬港元），係靚佬湯同派拉蒙電影歷來最好成績嘅作品。有傳靚佬湯同未婚妻姬蒂荷姆絲（KatieHolmes）下月會喺洛杉磯結婚，並以科學教儀式舉行。