立法會一個委員會噚日討論港大醫學院報告「吸煙引致香港經濟損失年逾五十億港元：亞洲首次全面分析」，結果引起一場「偏見」之爭。
代表飲食界嘅張宇人質疑負責研究嘅港大社會醫學系教授林大慶等人有偏見，因為林大慶本身就係吸煙與健康委員會副主席。即係惹來多名議員反擊，其中楊森力撐港大醫學院要堅守立場，跟住醫學界議員郭家麒加入陣營話：「人始終要有立場，醫生嘅立場就係救病人，唔似某啲人冇立場、冇宗旨。」跟住又維護林大慶話：「你攻擊我唔緊要，唔好攻擊啲學者。」最後連大班都睇唔過眼，講咗句「張宇人代表飲食業界都會有偏見」，結果窒到張宇人紅晒面，冇聲出。
傳真︰2623-9278
電郵︰[email protected]