本港首富李嘉誠住在深水灣道七十九號，呢間大宅，蘭西入過一次，就係李澤鉅娶老婆當日，超人好開心，請晒記者入花園。現在李府已成為內地旅行團景點之一，但外人最多只能喺外邊遠遠咁望吓外貌，裏面係點梗係無法得知啦。最近有個方法，可以從另一個角度去睇吓李家大屋，係咪好刺激呢？
Google最近出咗衞星地圖，蘭西Click入去搵李超人居所，顯示嘅就係呢張相嘞，係咪感覺好新鮮呢？重可以上下左右咁移動，夠晒方便。
中原地圖張奕威就認真轉數高，已經即刻加咗個超連結，只要喺中原地圖揀選咗幢物業，再Click隔籬個Google衞星地圖icon，就可以睇到大廈鳥瞰圖，真係好方便。
電郵地址：[email protected]
