林嘉欣、劉心悠、劉燁、方中信及新人羅仲謙等前晚到金鐘出席新戲《阿嫂》的煞科宴，早前志偉公開批評劉心悠的演技差，該去讀演戲課程。
劉心悠前晚說：「我嘅經驗少，要進步就要上堂，學多啲嘢都好，自己永遠唔係最好㗎嘛。」至於會否覺得被志偉針對？劉心悠說：「唔會，佢講事實啫，我有唔明都問導演，做咗問題少女。」
嘉欣劉燁力撐
林嘉欣則謂劉心悠最大問題是要說廣東話，她說：「我提議過畀佢講國語，但不被接納，做戲講自己母語先最舒服。佢係新人，又要顧語言、又要顧演戲，有時唔明廣東話，要諗一排先明，影響到演出。」劉燁則讚劉心悠表現不俗，他說：「新人最好虛心地去學習，不明白就該問，缺乏經驗就去讀演藝課程吧。」
採訪、攝影：魯萍