以特許經營方式運作，招攬細代理行加入嘅世紀21，其中一個規模較大嘅加盟商世紀21富山地產，董事柯興捷表示，上半年營業額達到三百萬目標，因此向前線同後勤共八十人，派發一個月花紅同加薪五至十巴仙，人人有份。 原來該行今年初已經向所有員工派咗一個月花紅，而加人工幅度一樣係五至十巴仙，認真恨死同行。另外，柯興捷又透露，繼續擴張，承租界限街舖位做分行，月底開業。