日本仔諗頭多，最愛發明騎呢產品，瘦身、美容乜都有。最近又有多款收身美容新搞作，而最搞嘢就係「家用划艇Belt」，睇落兒戲但搵來專業健身教練試玩後，連佢都話掂！
記者：梁珮瑜
攝影：何家亮、陳智良
模特兒：NaNa&Janice@StarzPeople
化妝：ElawWong
鳴謝：Eddie@DR美健集（23902188）
划艇Belt嘅構造好簡單，好似皮帶咁扣上腰，伸縮繩藏在兩個有回彈力及可調校鬆緊度的儀器內，雙手握住手把向不同方向拉扯就得，方便又唔嘥位，去到邊都玩得！
收背及肩
划艇動作
雙手緊握手把，伸直向前拉然後收回，來回重複做此動作。
展翅動作
腳踏划艇Belt，雙手緊握手把及彎腰，然後雙手向身旁伸展，兩繩成V形。無論伸展或放下，雙手和腰都要直。
教練試玩划艇Belt
教練Eddie在說明書指引外自創招式，教我們幾招有效又好玩的收身方法，做時要量力而為！
收緊拜拜肉
後抽動作
坐下動作
坐下，左手緊握手把及伸直，拉起把手至胸前，令手臂成V形。左、右手重複做，可改善手臂線條。
教練評語
任健身教練20年的Eddie認為划艇Belt力度適合女生，但效果未必比做Gym顯著。「動作要持續做一段時間或每一下Hold耐啲，才有收緊及Burnfat的作用，啱少做運動嘅人！」
音樂健身棒擴胸緊肌
其實是健身棒加入智能調節及音樂功能，只要將性別、年齡、身高、體重、難度及時間資料輸入，健身棒就會自動調校軟硬度。當健身棒被屈成U形便會響起音樂，屈過20及100次更有恭賀音樂，鼓舞又開心！
美容小物
光子嫩膚儀美白收毛孔
在美容院光子嫩膚必須由專業美容師或醫生操作，但家居版就綜合不同速率、頻率的微電、感應電等，能量較低。藍光子有美白、淡化色斑等作用；紅光子就可收毛孔、撫平幼紋等。
減肥膏按摩器消脂最掂
含活化成份消脂減肥膏無乜特別，但配合放射推脂按摩器二合一，不但可避免弄污雙手，更有助吸收、加速淋巴及微循環，方便好用！
負離子組合清潔收毛孔
手提組合包括負離子保濕蒸面機及冷霧緊膚機。先用蒸面機擴張毛孔、推出污垢、保濕及深層清潔。然後用冷霧機收細毛孔。蒸面機的面罩更特別為T字部位而設，夏天最啱！
售賣點：
a.JCLadies（31022718）
銅鑼灣時代廣場832舖
b.上品堂（23855884）
旺角潮流特區2樓2號舖