北京噚日傳來一個比較突然嘅消息，就係港澳辦前經濟司張良棟（圖）喺屋企心臟病發逝世。
八方話突然，皆因之前冇聽過佢有病，而且佢真係尚屬有為之年。正好喺北京準備出席政協常委會議嘅梁振英對於張良棟嘅逝世，表示惋惜同傷心，認為香港失去咗一位好朋友，因為張良棟對港澳經濟有深厚了解，係香港問題專家。
梁振英話喺基本法起草時已經識得張先生，八方同好多記者亦都係嗰時識佢。當年張良棟同現時駐澳門嘅徐澤以及特首辦嘅陳建平係李後同魯平提攜嘅後起之秀，張係廣東人，所以同香港人特別啱傾，後嚟聽聞中總嘅張永珍為咗幫國家培養人才，重出錢送佢去英國讀書。
張近年嘅官運冇徐澤咁好，幾年前申請退休，去咗做中國訊息大學董事長。
傳真︰2623-9278
電郵︰[email protected]