教統局爆出人事糾紛，引起官場大震盪。常任秘書長羅范椒芬嘅得力助手兼總新聞主任吳之瑩，俾剛轉任食環署首席新聞主任嘅前下屬鄭秋明投訴，男方聲稱五月中時喺女方辦公室內，俾對方用電話掟傷，於是報警處理。吳小姐之後被警察盤問，警方噚日話經調查後認為證據不足，已經結案。
事件發生喺五月十四號，八方就聽到另一版本：話說當日吳之瑩搵鄭秋明講工作嘅問題，之後兩人發生爭拗，但其間冇第三者睇到發生乜事；鄭秋明兩日後報警，話俾人用電話掟親胸口，出現瘀傷，去醫院驗傷。據講驗傷報告驗唔出有傷，而另一方則堅持冇用電話掟佢。鄭噚日放假，而吳則冇正式回應。
傳真︰2623-9278
電郵︰[email protected]