「有加價壓力，冇加價意圖；有減價要求，冇減價能力！」九巴董事長陳祖澤每次出席公開場合，例必有記者問佢九巴有冇諗過加價，噚日陳祖澤就用咗以上四句話二十個字，總結晒九巴嘅營運狀況同票務政策，可謂言簡意賅。呢位前朝高官雖然棄官從商，但政治上嘅功力已經爐火純青。煲呔話要請政黨中人做問責局長政務助理鍛煉鍛煉，倒不如向陳祖澤多多學習。
講番九巴個技術訓練學校第二十九屆學徒結業典禮，陳祖澤頒獎畀出年先畢業嘅古家豪。點解未畢業都有份去結業禮？九巴話皆因佢攞咗職訓局兩個獎，為九巴增光喎！
傳真︰2623-9278
電郵︰[email protected]