名模陳嘉容昨日在銅鑼灣宣傳激光脫毛活動時，出現尷尬蝦碌場面。事緣陳嘉容本來有型地手執黏了刀片的假激光劍，用來𠝹爛一袋即棄剃刀，豈料揮劍時飛甩刀片，要她徒手執刀完成動作。
名模陳嘉容昨日到銅鑼灣為Dermes激光脫毛中心宣傳，她穿上銀色閃片背心和牛仔短裙，乘坐白色MiniCooper抵達現場，吸引了不少途人圍觀。
想買生日車牌
活動上，陳嘉容本來要拿着一支模仿電影《星球大戰》的粉紅色激光劍，𠝹爛一袋即棄剃刀，寓意激光取代傳統剃刀，不料陳嘉容一揮激光劍，劍前的刀片即時脫落，弄得她一臉尷尬，最後她惟有邊笑邊用手拾起刀片，完成動作。
事後陳嘉容大談車經，她表示愛白色車因為甚適合女士，本身也是車主的她說：「我好想換部新車，𠵱家睇中嘅dreamcar係Prado，好靚不過好貴，加埋我想買個新車牌，用自己生日日期818，閒閒哋都要四、五萬，若果加埋我個名嘅縮寫EC（EunisChan）重襟計，所以都未諗好。」
自言技術一般
陳嘉容還謂自己的駕駛技術只是一般，不宜駕新車，她說：「我淨係識揸自動波，又經常揩親，𠵱家部車嘅四個角都撞花晒，買新車肯定好快報銷兼落價。」她又表示寧願投資換新樓自住更化算。