官恩娜（Ella）、劉浩龍、梁雨恩及蘇永康等，前晚在灣仔會展擔任慈善機構演唱會的表演嘉賓，官恩娜穿上低胸吊帶裙，身材突出，她笑說：「我有身材嘛！其實都係件內衣個cutting搞到咁有效果。死啦！我啱啱去完外國，唔好搞到大胸疑雲。」Ella揚言不會整容，她說：「好多明星都有整，不過我就崇尚自然，自己驚血又怕痛，所以唔敢。」
久未露面的蘇永康最近轉戰內地，他說：「𠵱家我搵錢基地唔係香港，遲啲會喺深圳拍套時裝劇。」提到有報道指鄭秀文患上抑鬱症，康仔說：「佢冇事，我自有渠道可以搵到佢，佢從來冇令我哋擔心，佢就係唔鍾意俾大家解開佢個疑團。」
採訪、攝影：楊潔雯