「你囡囡可能過唔到今晚……」十七年前潘太驚聞醫生說她歲半的女兒潔心患上腦癌，整晚哭個不停。雖然她也知道女兒命懸一線，但卻沒有想過放棄。經過多年來悉心的治療和照顧，潔心早已戰勝癌魔，今年快將十九歲。
潔心歲半時證實患上腦癌，當時她開始學行，但潘太發覺她的步行能力愈來愈差，又經常嘔吐，後來連坐立也有困難，於是向醫生求診。「去睇兒科醫生，醫生重話小朋友嘔奶好正常，其實囡囡嗰時已經腦積水，直到後嚟發覺佢個頭發大，送去醫院先知道患咗腦癌。」
面對突如其來的噩耗，潘太說：「點會諗到係腦癌咁嚴重？直情喊到收唔到聲。」當時醫生即時為潔心施手術，抽走腦部積水，等待情況穩定後，再進行兩次長達十多小時的腦部手術，切除癌細胞。為了徹底清除癌細胞，還需進行電療及化療。
經過近一年治療，潔心康復出院，但隨之而來的卻是她腦部曾經受創的後遺症，出現學習障礙及感觀神經不協調等問題，需要接受特殊教育。潘太坦言：「最初知道囡囡患腦癌，我雖然不停咁喊，但第二日做手術已經接受咗現實。反而接受唔到嘅係囡囡七、八歲時，連好基本嘅嘢，好似摺對襪都做唔到。」
後來見了學校心理醫生，潘太說：「當時醫生問我：『接唔接受佢係你個女先？既然接受，就要接受埋佢病完嘅後遺症。』於是自己先識得慢慢放鬆啲，樣樣嘢睇開啲冇咁執着。」
去年，潔心透過「願望成真基金」與偶像劉德華見面，度過愉快生日。今年潔心快將十九歲，潘太和潔心將出席今日由該基金及UA院線合辦的「願望樹」慈善活動，分享病患的經歷。潘太不諱言：「如果不幸囡囡咁多年後都可能會復發，對將來可能未必好樂觀，但最緊要係點都唔好放棄。」
記者：黎國剛
逢周一刊出