日本女星木村佳乃前日喺首爾舉行fans聚會，場內唔只有韓國fans，重有唔少係喺韓國居住嘅日本人。而曾經同李英愛合演愛情片《春逝》嘅劉智泰當日亦有到場同佳乃見面。同崔智友一齊擔任日、韓友好大使嘅木村佳乃，喺台上表示自己對韓國娛樂圈都有唔少認識，佢話：「其實日本唔少演員，都非常欣賞韓國導演金基德。」