收到浸會大學新一期校刊《新領域》，封面係珠海間聯合國際學院草圖（圖），都幾有氣勢。呢間院校，一波三折，係浸大同北京師範大學合作搞，九月收首批學生，由郭少棠做常務副校長，第日港珠澳大橋建成，呢間院校就更加正。
另外浸大又委任李兆銓做行政副校長暨秘書長，明日起生效。李兆銓本為市區重建局執行董事，負責企業規劃、機構發展、人力資源、財務、物業管理、機構秘書及法律事務。之前又做過醫院管理局副總監（財務），掌管財政。李兆銓係資深會計師，中大畢業，曾任香港會計師公會會長。有個數學咁叻嘅猛人，浸大資源運用一定更好呢。
爆料熱線：29290000、27860099
報料傳真：26239278
報料電郵：[email protected]