本港養車有「五貴」，包括牌照、保險、入口車稅、隧道及汽油，新車落地折舊率又高，總之當車主甚艱難。右軚車商會創會會長羅少雄提供貼士，如善用個人信貸資料庫、選購二手價高的汽車等，教消費者做個醒目車主。
羅少雄的名字經常出現在有關汽車的報道中，他曾駕馭逾百輛不同汽車，年輕時愛駕時款跑車「到蘭桂坊威」，但現屆中年，家中只餘實用為主的平治、豐田七人車，他更是慳油高手，「好多車主都係一波走天涯！」他說，就算駕駛自動波汽車，上斜或落斜也應調校波段以省油。
他建議最近有意上會供車的消費者，應善用剛全面實施的個人信貸資料庫，因過往還款紀錄良好人士，可申領個人信貸證明書，並以此作為與財務機構討價還價的秘密武器，「如果你係Agrade，大把公司爭住借錢畀你，利息減至P減都得啦！」
歐洲車二手價較高
羅少雄又說，買車可以是一種投資，歐洲車五至十年才轉款，二手價較高，如平治及寶馬等；相反幾乎每年換款的日本車，轉手時跌價最多可達三、四成。車身顏色較大眾化，如金、銀、深藍、深綠等二手車，買賣亦較活躍，「一架粉紅色車唔係咁易搵人要，畀人壓價壓死你呀！」
面對東南亞數一數二昂貴的汽車保險費，羅少雄說，香港車主惟有做個奉公守法的司機，減少交通意外，翌年購買汽車保險便可獲折扣優惠。其他汽車保養貼士，包括開車初時不要開大冷氣；避免添置過多音響等電子配件，令汽車電力負荷過大；汽車每行駛一萬公里最少全面檢查一次等等。
羅少雄坦言最愛家中一輛古董勞斯萊斯，「呢啲車真係有價冇市，但鬼叫我真係鍾意佢靚咩。」所以，他最後忠告：「揀車，都係揀心頭好。」
記者：翁煜雄
本欄將邀請各行各業名人講解他們最熟悉的產品，並向讀者提供消費心得，逢周一刊出。