上星期五7.1大遊行，好多人都驚香港人縮沙唔現身，湯家驊太太就係其中一個擔心嘅人。佢話當日喺大埔搭火車出嚟，好彩都見到好多白衫客。
湯太其實唔使太擔心，民主會有接班人。八方當日就見到楊森一對仔女，喺媽媽嘅陪同下，由頭行到尾。森哥話，大仔楊浩今年九歲，細女楊寧只有六歲，舊年已經行晒全程，今年再接再厲，佢梗係想佢兩個自小學習民主意識啦。
問森哥佢兩個乜咁好體力嘅？佢話由細訓練囉，大仔學踢足球，細女學游水，等佢哋學吓體育精神。
呢個暑假，森哥一家會去加拿大，陪個仔入營，等佢學吓同人相處之道喎。
爆料熱線：29290000、27860099
報料傳真：26239278
報料電郵：[email protected]