踏入七月份，又係莘莘學子嘅「蜜月期」，大使重係學生哥嗰陣，每逢暑假父母都會安排活動畀大使參加，其中唔少得去海洋公園玩番日。
不過，一家大細去一趟海洋公園，少不免要一千幾百蚊，對於草根階層家庭，算係奢侈嘅消遣。
陸續合辦暑期活動
蘋果日報慈善基金一向關心弱勢家庭細路嘅需要，而海洋公園又好有心，周不時贊助啲細路一家大細去玩，最近海洋公園又慷慨送出五百張門票，我哋咪第一時間分畀五間社會服務機構，包括：基督教勵行會、匡智會、香港基督教服務處、香港學生輔助會、美差會潮浸服務聯會，再由機構轉送畀貧困家庭，等啲小朋友可以親眼見吓熊貓「安安」、「佳佳」同埋欣賞其他動植物，享受一個溫馨親子假日。
嚟緊暑假，蘋果基金亦會同其他機構合作搞一啲有益身心活動畀小朋友參加，到時大使再為大家報道。
暖流熱線
電話：29908688
傳真：23702192
電郵：[email protected]
網址： http://www.charity.atnext.com