前日7.1遊行同慶回歸巡遊夾埋都係得五萬幾,侏羅紀霸王一出場,民主派同左派即刻企埋一邊,大贏家竟然係變晒化石嘅恐龍,全日有成廿三萬人去睇恐龍展。噚日場面繼續熱爆,下晝個恐龍專題講座有四十個名額,喺接受報名嘅頭五分鐘內已經俾市民掃晒,認真誇張。
八方喺個講座度重遇到小小恐龍迷黃子雋,佢今年十四歲,話自己五歲已經鍾意恐龍,公共圖書館啲恐龍書幾乎俾佢睇過晒。佢希望大個做恐龍研究員,證明到恐龍係鳥類嘅祖先,同埋去非洲睇吓近代係咪有恐龍出現過,「有個傳說話以前剛果有班土人打敗咗隻怪獸,啲人煮咗佢嚟食之後就中毒死晒,我懷疑嗰隻怪獸就係恐龍!」
爆料熱線:29290000、27860099
報料傳真:26239278
報料電郵:[email protected]