提到收入問題，作為英皇金蛋Twins一分子的阿嬌居然大呻負資產，揚言距離小富婆行列甚遠，她呱呱大叫說：「負資產呀！要買嘢食，要買衫，家庭包袱就OK啦，唔使餓死！」
Twins出道四年，阿嬌和蔡卓妍（阿Sa）每年起碼推出六張唱片及拍十個廣告，怎可能到現在還未能賺到過千萬？阿嬌說：「我有partner對分吖嘛！我都想第日可以賺到八位數字。」
Twins出道至今一直被人批評唱歌沒水準，只是重包裝的偶像歌手，對於這類彈劾聲音，阿嬌說：「我哋都想好似容祖兒咁唱得㗎，但要時間練、要學，由出道到𠵱家真係好忙好忙，啲人成日講好忙唔係藉口，但忙係事實。」
阿嬌與阿Sa朝夕相對了四年，阿嬌表示二人由不相識至合作無間，默契及感情都增進不少，她說：「我哋以前唔熟，有好多嘢唔知點處理，直到有次我哋一齊去台灣旅行，大家嘅關係就好咗好多，最近我哋一齊做《拉闊音樂會》，默契比之前真係好咗好多，以前唱《風箏與風》各有各唱，好似嗌交咁，但呢次感覺好好。」
阿Sa買消夜𠱁男友
此外，Twins昨日在銅鑼灣宣傳修身堂新產品，前晚則接受港台《你真超人》訪問，二人在節目中用塔羅牌占卜戀愛運。
主持人以游泳健將與愛玩紋身的人暗示她們的緋聞男友方力申與鄭中基，並提到阿Sa的紋身男友很懂得吃喝玩樂，阿Sa則是很稱職、對自己很有期望的女友，阿嬌竟大爆說：「重要買消夜呀！」似乎暗示阿Sa對鄭中基照顧周到，未受早前傳出男友經常帶女夜蒲的緋聞影響。
採訪：朱倬誼 攝影：林德雄
場地：ZeffirinoRISTORANTE1939(REGALHONGKONGHOTEL)