容祖兒和謝霆鋒等前晚為英皇騷綵排，對於有傳英皇出動王牌成龍，以換取霆鋒在迪士尼騷的表演機會，霆鋒稱「唔知亦唔會理」，但承認稍後要替迪士尼方面錄音，不過他表示愛玩海盜船多過過山車。
容祖兒、謝霆鋒、吳浩康、新Boy'z、關智斌（Kenny）等前晚在觀塘綵排今晚舉行的「EEGSummerHit全城熱優先選」，該騷為宣傳英皇十二個歌手於七、八、九月新碟。
「要我付出就付出」
有報道指英皇出動成龍，以換取霆鋒可在迪士尼騷表演，對此霆鋒說：「我唔知亦唔會理，迪士尼係香港人嘅光榮，叫我做乜都唔緊要，我一陣會去幫迪士尼錄音，但唔知錄乜，人哋要我付出就付出，九月開幕時我喺內地做嘢，未必喺香港，其實我唔係好鍾意玩過山車，鍾意海盜船多啲。」
容祖兒和霆鋒將在英皇騷上合唱梅艷芳及倫永亮的《心仍是冷》。謝霆鋒表示《心》的原唱梅艷芳聲線低，而容祖兒則較高，他說：「唔緊要啦，我就佢啦，最緊要佢唱得舒服。」
戴假髮轉新形象
祖兒說：「原先霆鋒想唱《明明白白我的心》，但佢好就得人，我嘅key比較高，佢就番我嘅key嚟唱，我七月底出新碟，今次形象上有改變，我會戴短假髮，我覺得女人三十歲後剪短髮好有型，好似劉嘉玲、關之琳咁好靚。」
新Boy'z將在今晚表演新歌舞，Steven表示兩人已經努力練習了一段時間，所以很有信心到時可以發揮得淋漓盡致。
