由權相佑同崔智友主演嘅韓劇《天國的階梯》，最近喺日本嘅受歡迎程度，原來已經超越裴勇俊同崔智友合演嘅《冬日戀曲》，日本一個韓流網頁剛剛做咗個調查，搵網民選出最理想在電視重播嘅韓劇，結果《天國的階梯》獲選冠軍，而第二位就係李秉憲同宋慧喬主演嘅《AllIn真愛賭注》。講真唔少日本韓流fans早已買咗《冬》劇DVD，又點會想睇電視重播。