林志玲控賣浴袍相學生

林志玲大前日去咗台北地檢署，控告涉嫌販賣佢同言承旭手機裏邊嘅浴袍相嗰兩個大學生、通訊行業者同埋台灣《壹週刊》，未來控辯雙方唔排除會傳言承旭出庭作供。林志玲嘅助手噚日話要畀嗰兩個大學生知道自己做錯事。不過林志玲噚日做節目時心情未有受官司影響。