姜文嘅新片《太陽再次升起》，已經落實今年十月喺北京同新疆開拍，演員方面，除咗姜文同房祖名之外，關之琳同姜文嘅緋聞女友周韻都有份演出。馮仁昭聽聞周韻係姜文點名力撐演出，不過，喺新戲裏面，周韻同房祖名扮演情侶，姜文就同關之琳做一對，姜文同周韻之間係完全冇感情瓜葛，姜文咁做莫非係為咗避嫌？
絕對有資格
至於呢部《太》片對關之琳嚟講，可以話係繼《做頭》之後另一個突破，事關佢今次會做房祖名阿媽，雖然論年紀，四十二歲嘅關之琳絕對有資格做房祖名阿媽，但過往關之琳都係做靚女角色，好少做人哋阿媽，而且重有個咁大個嘅仔㖭，對關之琳嚟講都算係突破喇！