沙田新城市廣場麥當勞昨日開幕，陳奕迅（Eason）應邀擔任剪綵嘉賓，他與麥當勞董事總經理劉士盛及首席開心總監RonaldMcDonald手執金鉸剪為新店剪綵。
任食變榕樹腳
Eason被司儀問及跟麥當勞的關係時非常識做，他說：「我記得當年喺英國留學，因為想賺多少少零用錢，所以去咗學校附近嗰個鎮嘅麥當勞做兼職，當時重係五十便士一個鐘，即係港紙六個幾一個鐘，咁我做麥當勞員工係任食，所以食到我條腿咁粗。」
Eason昨日又大力硬銷麥當勞新舖的各種特色，他說：「考慮喺呢度開生日會，到時請我屋企人，帶埋我個女一齊開，重要係包場，係唔係好囂啊？」記者指他此舉似一個superstar，他說：「咁又未去到superstar，咁囂，叫『囂神』，我鍾意喎。」
採訪：楊潔雯 攝影：葉君海
