任賢齊昨日與佘詩曼、宣萱及Rosemary等一眾靚女出席法拉利全新型號F430跑車的宣傳活動，佘詩曼看到在場展出的二百七十萬法拉利跑車即時兩眼發光，但小齊卻因沒時間駕駛跑車，故此暫不想擁有。
宣萱、佘詩曼、任賢齊、Rosemary與吳美珩等，昨日在淺水灣出席法拉利車展，介紹法拉利最新型號F430跑車，小齊坐着一輛一九六二年出產的古董法拉利跑車進場，他與宣萱等嘉賓負責主持揭幕儀式。
小齊坐古董車進場
一向愛車的小齊說：「我知道呢個車展會有靚車睇，所以呢個活動邀請我嚟，我就即刻答應，今日我坐呢部古董車，全球只有一部，由於我唔係咁識揸呢部車，所以頭先部車唔係由我親自駕駛，我只係做乘客。」
F430跑車約值二百七十萬，記者問小齊會否想擁有一部，他笑說：「暫時唔會，最主要係因為我根本都冇時間揸車，我𠵱家都擁有一部瑪莎拉蒂跑車，但都行唔夠五千公里，而且多數係由司機揸車，因為我唔係咁熟香港嘅路。」
阿佘露肩裝配名車
佘詩曼昨日穿上露肩短裙裝現身，當她看到現場所展示的黑色法拉利跑車即說：「我好鍾意黑色跑車，不過幾百萬部跑車太貴啦！我當然想擁有，但暫時對我嚟說，只係一個夢想，我自己雖然未親自揸過呢部車，只做過乘客，但我聽朋友講，法拉利跑車要快時真係可以好快。」
記者問佘詩曼會否要求男友送一部法拉利跑車給她，她笑說：「如果有男友嘅話，男友肯送固然係好，但最好都係自己買。」
採訪：卓寶花
攝影：陳慧安
