主要做集裝箱貨船運生意嘅中遠控股，噚日喺橫風橫雨嘅日子正式上市掛牌，股價表現同天氣一樣，屬於陰天，潛晒水嗰隻，收市報三個八毫二仙半，較招股價跌一成。
股價表現差強人意，無礙中遠控股董事長魏家福嘅詩興。佢上星期日為推介中遠控股呢隻新股，寫咗首詩，最尾一句寄望中遠控股「雙贏上市有吉兆」。噚日佢喺上市儀式又有新作──「1919，中遠獨有，創富股東，天長地久」。佢話，中遠控股噚日潛水唔緊要，呢個係長期投資咁話。八方唔知股民係咪鍾意同股票玩天長地久，但坊間已經出現幾首同魏總嗰首差唔多嘅打油詩，其中一首係「1919，飛都唔夠，坐艇股東，有排你守」。
爆料熱線：29290000、27860099
報料傳真：26239278
報料電郵：[email protected]