「我哋兩公婆嚟香港幾十年都未試過有一部洗衣機，一直都係自己洗衫，不過年紀愈來愈大，雙手逐漸退化冇力，尤其洗床單、被鋪真係好辛苦，所以先想有部洗衣機幫輕吓。」白髮斑斑的何惠婆婆說。
「雙手退化洗衫辛苦」
七十九歲的何婆婆，與八十三歲的丈夫聶照同住，兩老勞碌一生，晚年生活清貧。
聶伯表示︰「我本身做收買佬，老婆就做清潔，我哋都工作到七十歲先退休，不過好失禮，幾十年來都儲唔到錢，退休之後要靠政府養。」
聶伯歎道，夫婦二人的綜援金扣除基本開支後，已所餘無幾，委實難有餘錢添置家庭電器。
「本來我哋都有想過分期付款供一部洗衣機，但計過條數，就算每個月畀二、三百蚊我哋都供唔起，所以惟有搵你哋幫忙。」
此外，兩老家裏連電視機也沒有，聶伯平日靠閱讀小說消磨時間，不過，何婆婆因為目不識丁，日子倍覺孤寥，因此她希望有一部電視機解悶。
電視失靈缺錢更換
「屋企原先有一部二手電視機，但已經壞咗幾年，呢幾年世界發生乜嘢事我哋都唔知，如果有一部電視機，我哋就可以睇吓新聞同劇集，冇咁悶。」聶伯和何婆婆的兩個心願有待善長玉成。
捐款編號︰C1745
暖流熱線
電話：29908688
傳真：23702192
電郵：[email protected]
網址： http://www.charity.atnext.com