曾志偉愛女曾寶儀日前罕有地穿上低胸高衩裙，又浸在水中數小時拍攝一個spa廣告，她坦言這是其終極性感的界限。廣告的導演許志佳曾參加應屆亞洲先生的面試，可惜未能成功入圍，曾寶儀得知此事後表現得十分訝異。
曾寶儀與新加坡司儀界一姐鐘琴日前以代言人身份，在合和中心為「besanctuaryspa」拍攝全新一輯廣告，她罕有地穿上低胸高衩裙示人，其後又以束髮清純look拍攝浸浴鏡頭。
破性感極限
一向惜肉如金的寶儀表示今次造型已是其終極性感，她說：「對於我嚟講已經係好性感，不過我本身真係好鍾意浸spa同按摩，況且成個主題都好健康嘅。」
而執導廣告的許志佳早前曾面試亞洲先生，不過兩位代言人在整個拍攝過程均未有察覺此事，事後二人知道導演的來頭後，不約而同表現得一臉訝異，寶儀說：「吓？真係唔知道喎，我好少留意男性選美嘅報道，淨係知我阿爸做今屆香港小姐外景拍攝嘅嘉賓，我自己就從來都冇諗過要參加選美。」
而鐘琴得知導演曾面試亞洲先生後，即大讚他英俊，她說：「我頭先一到就有留意到導演幾靚仔，香港男仔畀我印象都係好細心。」
曾讀藝訓班
而許志佳被踢爆曾面試今屆亞洲先生後，尷尬地說：「唔好將個焦點擺喺我度啦！之前好多朋友叫我去參加，咁我咪走去試吓囉！」
問到許志佳為何不參加無綫舉辦的香港先生競選？他說：「我以前係無綫訓練班藝員，同郭耀明同期，後來先轉去做幕後，所以應該唔符合無綫嘅參賽資格。」
採訪、攝影：卓美娟
