嘩！30度天氣重要開猛火炒飯，好熱呀！不過呢個「三色雞牛蛋炒飯」就係當年冧掂老婆絕招，今日點都要整畀佢食。雞肉是買回來的鹽焗雞，免治牛肉只要加糖、鹽和小量酒，在鑊內兜兩兜便成。
至於蛋炒飯更係我拿手絕活，除咗要用隔夜飯，重要識炒。先用油起鑊，倒入飯炒熱，再開猛個火，將加了鹽的蛋汁倒進飯裏，快炒待飯變成金黃色就得嘞！跟住再細心將雞肉、牛肉和飯作三色排列，加上蘿蔔、檸檬、梅作伴，拿出一張卡，寫住：「老婆大人，重記唔記得今日係我哋結婚五周年呀？你一向鍾意食我的蛋炒飯，我專登整畀你食㗎！」跟住入房扮瞓覺。冇耐，老婆大人起身，打着呵欠出房，我以為會聽到興奮叫聲，點知乜聲都冇，我走出廳，便當還放在枱上。「老婆，你冇睇到個便當同張卡咩？」老婆點點頭：「睇到，結婚周年食便當？你唔係咁慳係嘛？」跟住就入去沖涼．我打開便當，吃了一口飯．我整啲炒飯都幾好味吖。唉！（二十四）
老大大吉