香港電台噚日宣布高層新人事安排，主要係因為邵盧善已經夠晒鐘走人，咁煲呔話過做事要有效率，鬍鬚仔果然趕及喺邵老總任期滿前一日，公布到接任人。
一切都係意料中事，亦如處長朱培慶所願，教育電視台台長戴健文獲升為助理處長，頂咗邵老總個位。至於教育電視台就由機構及傳訊總監施永遠兼任。
朱培慶喺新聞稿中表示，「深信戴健文將繼續以新思維同積極進取嘅態度，開拓港台各方面嘅服務同節目路向」呢句話可圈可點，港台𠵱家正係多事之秋，戴生真係要小心行事，八方又係嗰句，祝你好運啦！
傳真︰2623-9278
電郵︰[email protected]