英皇唱片的一眾歌手會於暑假期間陸續出碟，他們會舉行一連串活動刺激低迷的唱片市道，包括周日舉行的晒冷音樂會，不過卻撞正韓國人氣紅星Rain訪港，必有一番惡鬥。
英皇唱片公司為刺激唱片市道，稍後與唱片商會合辦一連串活動，歌手們可能會突然到唱片店賣唱片，以給歌迷驚喜。唱片公司亦計劃於下月三日舉行「晒冷音樂會」，昨天眾歌手如容祖兒、謝霆鋒、關智斌（Kenny）、鄭希怡（Yumiko）、梁洛施（Isabella）、吳浩康和Boy'Z等人，於旺角朗豪坊舉行記者會宣布有關詳情。
不怕正面交鋒
英皇下月三日（即周日）舉行音樂會，但當日卻撞正韓國紅星Rain來港，但是一眾英皇歌手都表示不怕被搶風頭，其中容祖兒說：「其實上次我喺內地都見過佢唱歌，佢好掂又好型。但係唔擔心搶風頭，因為我哋有團結力量，當然人哋少嚟香港，吸引力大。」
至於音樂會當晚，Yumiko和Isabella會大鬥舞藝，所以她倆已密密排練。而Yumiko稍後會與今屆參選港姐拍廣告，她表示小時候打算過參選港姐，Yumiko說：「以前覺得好得意，見到啲權杖、后冠都好得意，好似灰姑娘變公主咁。」
阿嬌祖父病逝
此外，Twins昨日在商台接受訪問，鍾欣桐（阿嬌）的爺爺早前不幸離世，享年八十五歲，阿嬌提及此事時也不禁眼泛淚光地說：「其實都好突然，我好唔開心，本來我重買咗樓同佢一齊住，佢係因為血管瘤爆咗，所以救唔到。我哋全部都可以見佢最後一面，𠵱家心情都好咗少少㗎喇，身後事都已經辦好晒，所以唔會影響我嘅工作。」
採訪：王連連
攝影：陳志嵐
