呢輪潮流興復英制，連肥彭嘅近況都炒番熱，八方噚日喺網上發現呢位末代港督又獲殊榮，今次頒個榮譽博士學位畀佢嘅，正係北愛爾蘭嘅阿爾斯特大學(UniversityofUlster)，以表揚佢對公家事務同教育嘅貢獻。
唔講唔記得，原來肥彭由香港調返去祖家之後，又再次被派去北愛（佢八三年當保守黨議員時係北愛辦公室嘅成員，駐咗喺貝爾法斯特兩年）工作。喺嗰度，佢接咗個警隊問題嘅燙手山芋嚟搞，最後佢提出一個改革報告，要北愛警隊改名、改旗同埋改誓詞，將啲皇家色彩攞走，又請多啲天主教徒，以平衡新教徒嘅勢力。呢啲都係肥彭嘅德政喎，重有梗係包括佢喺香港推行民主改革，又做歐盟專員，當然佢𠵱家係牛津同紐卡素大學校監，夠晒資格攞DoctorofLetters啦。
傳真︰2623-9278
電郵︰[email protected]