許仕仁不時會請民主黨食黃油蟹，不過有次食到馬丁李柱銘（圖）又屙又嘔，搞到馬丁怕咗黃油蟹。
馬丁話，肥許有次請民主黨啲兄弟食蟹，佢因為要去港大有嘢做，搞到九點先去到，原本諗住淨係食甜品算，點知一坐低，肥許已經叫人拎隻黃油蟹出嚟，咁惟有食啦，點知食完未夠一粒鐘已經又屙又嘔，最後要睇醫生，啪番兩支針先至醫得好。
李永達同張文光前排大聲咁講，以後唔同肥許食黃油蟹，唔知部份原因係咪因為見到馬丁搞成咁。八方聽聞，肥許除咗請民主黨食黃油蟹，每當舊AO友好升官調職，佢哋都坐埋食番餐。
其實食餐飯都係聯誼啫，又冇其他目的，肥許都唔知點解要咁複雜，總之佢客照請，啱啱先至發出請柬，等緊回音。
傳真︰2623-9278
電郵︰[email protected]