近排本地傳媒真係好多變動，除咗中原施永青同星島何柱國搞免費報紙外，好耐冇消息嘅Morris何國輝（圖）亦有去向，就係去幫小小超李澤楷手。Morris曾經喺壹傳媒集團同星島集團做過，過去電盈做咩呢？
原來電盈近年積極推廣新產品同服務，包括可以睇到短訊嘅新固網電話、寬頻電視服務，加上之前已有嘅網上行寬頻，同傳統雜誌iShop等，新舊媒體並存，如能善用可為集團提供更多收益。搵Morris入去，就係研究點樣整合各種媒體業務，特別係now.com.hk同netvigator嘅廣告潛力。電盈為隆重其事，成立咗一個新部門叫PCCWMedia，由佢出任董事總經理。睇嚟傳統媒體面對嘅挑戰真係好多，唔怪得新聞集團老闆梅鐸亦話，傳媒行業要反思互聯網帶來嘅衝擊。
傳真︰2623-9278
電郵︰[email protected]